เรื่องย่อ
ສິນ ຊາຍໄວຫນຸ່ມຜູ້ມີອາຍຸພຽງແຕ່ 20 ປີຕົ້ນໆ ລາວເກີດມາເທິງກອງເງິນກອງຄຳ ມີພ້ອມເບິດທັງວັດຖຸແລະເງິນຄຳ ລາວຖືກພໍ່ແມ່ຕາມໃຈຕັ້ງແຕ່ຍັງນ້ອຍ ຈົນເຮັດໃຫ້ສິນບໍ່ເຫັນຄວາມສຳຄັນຂອງການສູ້ຊົນລຽ້ງໂຕເອງ ຈົນເຕີບໃຫຍ່ກາຍເປັນຊາວຫນຸ່ມຜູ້ບໍ່ມີຄວາມຮັບຜິດຊອບ ໂດຍໃຊ້ຊີວິດຜານເງິນທີ່ພໍ່ແມ່ຫາມາໄປແຕ່ລະມື້ ແລະຍ້ອນຄວາມຮັ່ງມີຂອງພໍ່ ເຮັດໃຫ້ສິນມີນິໃສຈອງຫອງແລະອວດເກັ່ງໄປທົ່ວ ມື້ຫນຶ່ງ ສິນໄດ້ອອກໄປທ່ຽວກາງຄືນກັບຫມູ່ຄືທຸກໆເທື່ອ ແຕ່ຍ້ອນຫຼິດເຫຼົ້າແລະຄວາມເມົາຈຶ່ງເຮັດໃຫ້ເກີດມີເລື່ອງຜິດຖຽງແລະຕີກັນໃນເທັກ ສິນຕ້ອງໄດ້ຫນີການຖືກໄລ່ລ່າຂອງຝ່າຍກໍລະນີ ຈົນສະລົບໄປແລະຮູ້ໂຕອີກເທື່ອຫນຶ່ງ ລາວກໍ່ຖືກຂັງໃຫ້ອົດເຂົ້າອົດນ້ຳ ແລະຖືກທໍລະມານໂດຍມີຈຸດປະສົງເພື່ອເອົາຊີວິດຂອງສິນເສຍ
ລັດຊາຍປາກກືກໄວກາງຄົນ ມາແຕ່ບ້ານນອກ ເຂົ້າມາໃນເມືອງເຮັດວຽກຫາເງິນໂດຍການເປັນຊ່າງແປງລົດຈັກໃນວຽງຈັນ ລັດມີເມຍເປັນແມ່ຄ້າຂາຍຜັກໃນຕະຫຼາດ ມີລູກສາວໄວຫ້າຫົກປີ ກຳລັງຕາຮັກແລະຂີ້ດື້ ເຖິງແມ່ນວ່າຖານະທາງບ້ານຂອງລັດຈະບໍ່ດີຫລາຍ ແຕ່ລັດແລະຄອບຄົວກໍ່ຢູ່ກິນກັນຢ່າງມີຄວາມສຸກຕາມມີຕາມເກີດ ແຕ່ແລ້ວມື້ຫນຶ່ງ ລັດກໍ່ຕ້ອງພໍ້ກັບຄວາມສູນເສຍຄັ້ງຫຍິ່ງໃຫ່ຽທີ່ສິນເປັນຜູ້ກໍ່ ແຕ່ຍ້ອນອິດທິພົນແລະຄວາມຮັ່ງມີຂອງພໍ່ສິນ ເຮັດໃຫ້ສິນບໍ່ໄດ້ຮັບຜິດຊອບໃນສິ່ງທີ່ໂຕເອງກໍ່
ລັດຕ້ອງຕົກນະລົກທັງເປັນ ແລະມີແຕ່ໄຟແຄ້ນເຕັມເອິກ ທີ່ຖ້າມື້ໄດ້ສະສາງ ແລະຄວາມຕາຍຂອງສິນທໍ່ນັ້ນ ທີ່ເປັນເຫດຜົນໃຫ້ລັດຍັງມີລົມຫາຍໃຈຢູ່
ລັດແລະສິນ ທັງສອງຄົນມີຊະຕາກຳຮ່ວມກັນ ເຊິ່ງຈະນຳໄປສູ່ການປ່ຽນແປງຊີວິດຂອງທັງສອງຄົນໄປຕະຫຼອດການ
Player 1
Player 2
Player 3
Post a Comment